أبوذيات لشعراء بصريين في جلسة سمر

كنت استرق السمع لأخي الشاعر الشعبي
احمد العسكري
وأصدقائه الشعراء الشعبيين
خلف باب موصود الا قليلا
ضمن جلسات سمرهم الليلية
فسمعت كلاما راقني جدا وهو شبه مساجلات حرفية
يقال لها الابوذية وكل منهم يدلي بدلوه في حرف مشترك
وكل منهم يجيب الآخر بحرفه فسجلتها
على ورقة وقلم
ولكن فقدتها
والغريب ان أحد اصدقائه الان
هو صديقي علىى الفيس
فوجدت تلك الحروف على صفحته
فاحتفظت بها وانقلها هاهنا وأرجو ان تروقكم أحبتي البروق :
قال الشاعر ابو علاء البو حلوه
====================
عله كيفك يوكتي اوياي بشواي
صرت سمجه وصديجي احتار بشواي
يكطع كام بيه اشواي بشواي
... ونخه شامت يلم حطبات اِليَّه
================
2=قال الشاعر حسن الجبوري
اكله اشكد مهلتي ايكول لشواي
دخيلك كومه ضيمي ايجيب لشواي
... جمع حضر خشب بلوط لشواي
وعزم شماتي تتفرج عليه
====================
3-وقال الشاعر باسم الفتلاوي
الوكت كصكص اجتافي واشوه مني
وكضيت اسنين اصبر واشومني
انته ابخير حالك واشوه مني
يريتك لا شفت ضيم العليه
========================
وقال الشاعر رائد الحامدي
========================
اعله كيفك يا بو حلوه اشواي بشواي
الوكت طكاته حيل اوموش بشواي
كبل منك اخذ دبلوم بشواي
ابجزيره وفطَّر الصيام بيه
====================
وقال الشاعر احمد البغدادي
هونك يا كلب لو ترف بشواي
انه بختي حريجه ايدوخ بشواي
امشنا اعله المحبه اشواي بشواي
اخاف اتفوت ونطيح ابهبيه
=======================
وقال الشاعر كاظم البديري
مله دربي زماني اشواك بشواك
شوي فكه وعليه دحن بشواك
زين انته صديجك حار بشواك
انه بعد الشوي وذِّرو بيه

ما أروعها من أبوذيات !!! أحسنت الإختيار يا شاعرتنا الذواقة

أديبتنا وشاعرتنا الغالية
جواهر نثرت هاهنا ورائعة بكل مافيها
وكم يطيب لنا مثل هذا وأكثر
وكل الشكر لكم على هذه المشاركة الطيبة الطعم والرائعة المذاق
ودي وورودي هدية لكم
وتحية من القلب لشعراءنا الأعزاء جميعا