((هم هذا وطن!!))
الى الإرهاب العظيم
الى عصر القتلة واللاإنسانية
الى د. الذباح
..........................

ذِبْ دينك حدِر واشتغل علاسْ
واخيَّك لو وكع يا صاح بوكه
هم اذبحْ بعد بطرانه هالناس
تره الذبَّاح هسه الماشي سوكه
واحرك بالنخل والكاع والياس
وهرش العنب هم اشلع اعروكه
فجِّر وازرع الالغام بالراس
واعلينه دخلهه تنام طابوكه
جنِّد خوِّتك..صيرو انتو حرَّاس
بالهاون وطننا يزيدن فتوكه
لأنَّه نريد (لات)و(وعُزَّى) تنباس
وحاكم للوطن من يغلط يسوكه
ونريد الزلم بالمال تنقاس
سيـِّد هم يصير الجان بربـ...
بداعة مرقس وشلهوب والياس
لأن عدنه صُبَحْ الحسين بستوكه
هم هذا وطن وتخاف ينداس
وتريد الامان وشمس معلوكه؟!!
**************