مطرتْ عشِگ
ذيج السوالف من تطِگ
حتى الگمرْ
مشعولْ واهس عالدرب
واللهفة جرَّت صفنتي
والنسمة...تمشي بگذلتي
والليل...
ذاك اللـــيـل...
لخــدودي عِشِـــبْ
أفـّـيش يا عطر النده
زخـَّاتك...
تردِّ الصدى...
لبغداد...
من تدمع قصيدة...
شموس منهن تعتلگ
مطرتْ عشگ
******
يا ليل اجيت لديرتي
ونفرشن گبــالي الصور
والذكريات اللي تهب
صوغة محب
ردَّت سنين من العمرْ
وتشابچن...وي فرحتي
والنجمة...
ضـوَّت ضحچتي
وتغازِلَـتْ
وي روجة اللهفة التمُرْ
وبصدري رادت تنشهگ
ذيج السوالف من تطِگ
حتى الگمرْ
مشعولْ واهس عالدرب
واللهفة جرَّت صفنتي
والنسمة...تمشي بگذلتي
والليل...
ذاك اللـــيـل...
لخــدودي عِشِـــبْ
أفـّـيش يا عطر النده
زخـَّاتك...
تردِّ الصدى...
لبغداد...
من تدمع قصيدة...
شموس منهن تعتلگ
مطرتْ عشگ
******
يا ليل اجيت لديرتي
ونفرشن گبــالي الصور
والذكريات اللي تهب
صوغة محب
ردَّت سنين من العمرْ
وتشابچن...وي فرحتي
والنجمة...
ضـوَّت ضحچتي
وتغازِلَـتْ
وي روجة اللهفة التمُرْ
وبصدري رادت تنشهگ
مطرت عشگ
*****22/6/2012*****